22 May 2018

Kaise Apne Photography Business Ko Instagram Par Promote Kare

Kaise Apne Photography Business Ko Instagram Par Promote Kare

Jabse Instagram ne social media ki duniya me apna kadam rakha hai, yah hamari daily life ka ek important hissa ban gaya hai. Yeh ek perfect jagah hai jahan hum apni photos ko duniya ke sath share kar skte hain.


Instagram par 600 million se bhi jyada log hone ki wajah se, yeh platform photographers ke liye bhi bahut important ban gya hai. Aaj ke waqt me photographers na sirf apne photos yahan share kar sakte hain, balki brand bana kar apne business ko globally expand bhi kar sakte hain.


To doston, agar aap Instagram par nahi hai to aaj hi is par account banaiye. Bas Instagram app download kijiye, apna account banaiye aur apni photos share karna shuru kijiye.

Lekin pehle jaante hain ki aakhir Instagram hi kyun?
Aap Instagram ki badhti hui audience ke samne apna artwork rakh sakte hain.
Aapke competitors already yahan apne products ko promote kar rahe hain.
Aapke sabhi friends aur favorite photographers yahan hai, jinhe follow karte hue aap inse inspiration le sakte hain.
Chaliye aap jante hain 6 aisi tips ke bare me, jinki madad se aap Instagram par apne photography business ko promote kar sakte hain.

1. Kewal apna best kaam share kare:
Han, ye sahi hai ki bar bar post karne se aap naye followers ko apne profile ki taraf khinch sakte hain, lekin ye na bhule ki in followers ko regular banaye rakhna bhi utna hi zaroori hai. Aur ye sirf tab hoga, jab aap apna best work share karenge. Aapki posts aisi honi chahiye ki wo logon ki surprise kar sake aur unhe response dene ke liye convince kar sake.


Iske alawa apni post images ko mix aur match karna bhi zaroori hai. Chahe formal ho, casual ho ya carefree, apni photography ke sare shades dikhayen. Aapke profile me jitni jyada variety hogi, utne hi jyada log aapse connected mehsoos karenge.

2. Hashtags zaroor use kare:
Kisi bhi naye business ko grow karne ke liye hashtags bahut zaroori hain. Aapke potential customers ko aapka kaam yunhi nahi mil jayega. Wo hashtags ka use karega aur agar aap bhi hashtag ka upyog karenge tabhi aap dono mil payenge.

Jab aap apni post captions me hashtags ka upyog karte hain aur in hashtags ko pasand karne wale log inhe search karte hain, unhe aapka profile dikhayi deta hai aur aap naye fans pate hain.

      Promotion kya hai online business promotion kaise kare best tips in hindi

Halanki aap 30 tak hashtags ka upyog kar sakte hain, 5-10 hashtags kafi hain. Iske alawa ye bhi dhyan rakhen ki hashtags me single words hone chahiye, naa ki poore sentences.

3. Apna profile aur bio updated rakhe:
Jaise hi koi follower aapki profile par aayega, sabse pehle aapka profile check karega. Aapko apna username bahut hi dhyan se select karna chahiye, aapka username aisa hona chahiye ki aapke business aur aapki personality ko reflect kare.


Iske saath, aapka bio logon ko aapke kam, hobbies aur aapki personality ke bare me batana chahiye. Apne bio me apni location aur contact details add karna na bhule. Aapke potential customers yahi se aapko contact karenge. Yahan aap jan sakte hain ki kaise ek  HYPERLINK "https://www.thelikedphoto.com/blog/instagram-account" effective Instagram profile create kare.

4. Apna ek work field decide kare:
Photography me apne bahut saare fields hote hain, lekin aapko apne followers ko batana hoga ki aapki speciality kya hai, Chahe wo professional photoshoots ho ya serious artistic work, aapke profile se ye clear hona chahiye ki aap kis tarah ki photography karte hain.

Har tarah ki pictures dal kar aap apne customers ko confuse nahi kar sakte. Apna ek niche banaye aur usi ke anusar posts dale taki sabhi jaan sake ki aapki expertise kya hai.

5. Sawal puche:
Apne followers ya audience ko engaged rakhna ek mushkil kaam hai, lekin namumkin nahi hai. Apni audience se interact karne ka ek asaan tarika hai, apni post ki caption me koi question puchna ya suggestion mangna.

      Google form kya hai or website ke liye form kaise banaye

Dhyan rahe ki ye zaroori nahi hai ki aapka sawal hmesha aapke page ke bare me ho. Balki aisa sawal puche ki aapke followers usme engage hona chahe aur conversation me bhag le.

Aap chahe to kisi trending news me unki opinion mang sakte hain ya unse unki favorite book ke bare me puch sakte hain.
Interact karte waqt apne funny aur witty andaz ko samne rakhen. Sirf apne kam ke bare me hi baat na kare.

6. Behind the scene footage share kare:
Kisi bhi perfect shot ko capture karne me bahut sara hardwork lagta hai. Kai sari aise funny ya embarrassing moments hote hain jinke bare me log janna pasand karte hain.

Instagram ke story feature ka upyog kar ke aap duniya ko bata sakte hain ki aap bhi ek normal human being jo kabhi kabhi ek simple photo ke liye ped par bhi chadh jata hai.

Iske alawa aap  HYPERLINK "https://www.canva.com/en_in/create/photo-collages/" photo collages create kar sakte hain. Photo collages logon ko bahut jyada attract karte hain. Aur online tools ki madad se ya kam aap minutes me kar sakte hain.


To dosto, ye thi meri kuch tips photographers ke liye. Agar aapke koi suggestions hain, to comments me mujhe zaroor bataye.

Author bio:
Prince Kapoor is Independent Marketing Analyst and Blogger. While not working, you can find him in gym or giving random health advises to his colleagues which no one agrees on :D. If you too want some of his advises (on health or on marketing), reach him out at @imprincekapur and you can visit my website click on the link prince kapoor

                    Thanks


EmoticonEmoticon